Қалай инвестиция салуға болады

«Alatau» АЭА-ның қызметтің басым түрлеріне сәйкес келетін жобаны іске асыратын Қазақстан Республикасының заңды тұлғасы немесе шетелдік компания қатысушы бола алады.

Жоба АЭА-ның бекітілген қызметтің басым түрлерінің біріне жатуы тиіс. Толық тізбе өндірістік, логистикалық, құрылыс, фармацевтикалық және басқа да бағыттарды қамтиды.

Иә. Шетелдік заңды тұлғалар құжаттардың қазақ және орыс тілдеріне нотариус куәландырған аудармасын ұсынған жағдайда жобаларды іске асыруға қатыса алады.

Өтінім беру үшін компанияның құрылтай құжаттарын, қаржылық есептілікті, жобаның техникалық-экономикалық негіздемесін, қаржылық қамтамасыз етуді растауды және белгіленген талаптарға сәйкес басқа да құжаттарды қоса алғанда, құжаттар жиынтығы қажет болады.

ТЭН — бұл жобаның, нарықтың, өндірістік процестің, қаржылық модельдің сипаттамасын, тәуекелдерді бағалауды және іске асырудан күтілетін нәтижелерді қамтитын жобаның негізгі құжаты. ТЭН құрылымы АЭА басқарушы компаниясының талаптарымен белгіленген.

Иә. Өтініш беруші жоба құнының кемінде 10% мөлшерінде қаржылық қамтамасыз етілуін растауы тиіс. Оны ақшалай қаражат, банк кепілдігі, кепілгерлік, мүлік кепілі немесе сақтандыру шарты арқылы жүзеге асыруға болады.

Құжаттардың толық топтамасын тапсырғаннан кейін басқарушы компания өтінімді қарайды және 10 жұмыс күні ішінде шешім қабылдайды. Бірыңғай үйлестіру орталығында тіркелу және куәлік беру тағы 5 жұмыс күніне дейінгі уақытты алады. Рәсімнің жалпы мерзімі 15 жұмыс күніне дейінгі уақытты құрайды.

Қатысушы мәртебесін алғаннан кейін компания Қазақстан Республикасының заңнамасында арнайы экономикалық аймақ қатысушылары үшін көзделген салықтық жеңілдіктер мен өзге де преференцияларды қолдану құқығына ие болады.

АЭА қатысушысы мәртебесін алу үшін өтініш беруші заңды тұлға болуы тиіс. Шетелдік инвесторлар Қазақстанда компанияны тіркей алады немесе жобаны іске асыру үшін заңнамада көзделген өзге де ұйымдық-құқықтық нысанды пайдалана алады.

Иә. «Alatau City Authority» командасы инвестициялық жобаны іске асыру, құжаттарға қойылатын талаптар, арнаулы құқықтық режим және жобаны іске асырудың барлық кезеңдерінде мемлекеттік органдармен өзара іс-қимыл жасау бойынша кеңес беруге дайын.