Біздің команда

Бас атқарушы директор (CEO)

Әлішер Әбдіқадыров — «Alatau City Authority» арнаулы басқару ұйымының бас атқарушы директоры.

М.В. Ломоносов атындағы Мәскеу мемлекеттік университетін бітіріп, экономика бакалавры және магистрі дәрежесін алған. Мемлекеттік «Ерен еңбегі үшін» медалімен марапатталған. Мемлекеттік басқару, инвестициялық саясат және өңірлік даму саласында 15 жылдан астам тәжірибесі бар. Әр жылдары Инвестициялар комитеті төрағасының орынбасары, Астана қаласының Инвестициялар және кәсіпкерлікті дамыту басқармасының басшысы, Қарағанды облысы әкімінің орынбасары, Ұлттық экономика вице-министрі және Алматы қаласы әкімінің орынбасары лауазымдарын атқарған.

«Alatau City Authority» міндеттеріне қала құрылысы мен инвестициялық жобаларды үйлестіру, жеке және халықаралық инвесторларды тарту, заманауи технологиялық стандарттар мен қалалық ортаны басқарудың халықаралық тәжірибесін енгізу, сондай-ақ қаланың арнаулы құқықтық режим шеңберінде жұмыс істеуін қамтамасыз ету кіреді.

Қордың жоғары басқару органы — Алатау қаласын дамыту жөніндегі кеңес.

Бас атқарушы директордың орынбасары

Нина Янг Алатау қаласының қала құрылысын дамыту және халықаралық жобаларын іске асыру мәселелеріне жетекшілік етеді.

Оның қалалық жоспарлау, сәулет, жылжымайтын мүлік девелопменті, сондай-ақ абаттандырудың ауқымды кешенді жобаларын іске асыруды басқару саласында 30 жылдан астам халықаралық тәжірибесі бар.

«Alatau City Authority»-дағы жұмысын бастағанға дейін ол «CPG Corporation», «Surbana Jurong» және «Ascendas-Singbridge» компанияларында басқарушы лауазымдарды атқарды. «Ascendas-Singbridge» компаниясында бас директор қызметін атқарып, Сингапурдың «Temasek» егеменді әл-ауқат қорының Қытайдағы кешенді девелоперлік жобалар саласындағы инвестициялық портфелін басқарды. Оның жетекшілігімен Сингапурда, Қытайда, Таяу Шығыста және Оңтүстік-Шығыс Азияда көптеген ірі жобалар, соның ішінде арнайы экономикалық аймақтарды, көпфункционалды қалалық аудандарды, өнеркәсіптік парктерді, шағын қалаларды дамыту, сондай-ақ экологиялық және инфрақұрылымдық жобалар іске асырылды.

Ол Сингапур ұлттық университетін өнер және сәулет бакалавры дәрежесімен, сондай-ақ Гарвард университетін дизайн магистрі (жылжымайтын мүлікті қаржыландыру және қалалық даму) дәрежесімен бітірген. Сингапурдың мемлекеттік ұйымдарының директорлар кеңестерінің құрамына кіреді. Сингапур ұлттық университетінің штаттан тыс оқытушысы және Сингапур жоспарлаушылар институтының президенті болып табылады.

Бас атқарушы директордың орынбасары — Құқықтық және реттеушілік мәселелер жөніндегі бас директор

Арман Тастанбеков «Alatau City Authority» қызметінің құқықтық мәселелеріне, соның ішінде нормативтік базаны дамытуға және инвестициялық реттеуге жетекшілік етеді.

Халықаралық заңгерлік практикада 20 жылдан астам тәжірибесі бар. Dewey & LeBoeuf, White & Case және Reed Smith жетекші халықаралық заң фирмаларында жұмыс істеп, ірі халықаралық компанияларға инвестициялар, корпоративтік басқару және капитал нарықтары мәселелері бойынша консультация берген. Сондай-ақ «Астана» халықаралық қаржы орталығының Astana International Exchange (AIX) биржасында басқарма мүшесі — құқықтық мәселелер жөніндегі бас директор лауазымында қызмет атқарған.

Қазақ мемлекеттік заң университетін үздік бітірген және American University Washington College of Law (АҚШ) университетінен құқық магистрі (LL.M) дәрежесін алған. Нью-Йорк штаты адвокатының лицензиясына ие, KazBar мүшесі және «Астана» халықаралық қаржы орталығының аккредиттелген заң консультанты болып табылады.

Бас атқарушы директордың орынбасары — Корпоративтік мәселелер жөніндегі бас директор

Зоя Қасенова «Alatau City Authority»-дің корпоративтік басқару, ұйымдық даму және тиімді қызметін қамтамасыз ету мәселелеріне жауапты.

Корпоративтік басқару, қаржы секторы және квазимемлекеттік ұйымдарда 20 жылдан астам жұмыс тәжірибесі бар. Кәсіби мансабында банк саласында, «Қазақстан Тұрғын үй Компаниясы» және «Алматы» әлеуметтік-кәсіпкерлік корпорациясында басқарушы лауазымдарды атқарып, онда корпоративтік басқару, ұйымдық даму және стратегиялық жобаларды іске асыру мәселелеріне жетекшілік етті.

Т. Рысқұлов атындағы Қазақ экономикалық университетін «Менеджмент» мамандығы бойынша және Халықаралық Тараз инновациялық институтын «Құқықтану» мамандығы бойынша бітірген. Мемлекеттік және корпоративтік секторларда корпоративтік процестерді құру, өзгерістерді басқару және жобаларды іске асыру саласында көпжылдық тәжірибесі бар.

Бас атқарушы директордың орынбасары — Бас қаржы директоры

Айбек Ботабеков «Alatau City Authority»-дің қаржы-экономикалық саясат мәселелеріне, соның ішінде стратегиялық қаржылық жоспарлауға, инвестициялық тетіктерді дамытуға және қаланы дамытудың тұрақты экономикалық моделін қамтамасыз етуге жетекшілік етеді.

Экономика, қаржы, корпоративтік басқару және ірі инфрақұрылымдық жобаларды іске асыру саласында 25 жылдан астам кәсіби тәжірибесі бар. Мансап жолында KEGOC ұлттық энергетикалық компаниясында басқарушы лауазымдарды атқарып, онда экономика, қаржы, тариф белгілеу және стратегиялық даму мәселелеріне жетекшілік етті, сондай-ақ халықаралық қаржы институттарының қатысуымен іске асырылатын жобаларға басшылық жасады.

Ауқымды инвестициялық жобаларды қаржылық сүйемелдеу, ұзақ мерзімді даму стратегияларын әзірлеу және корпоративтік басқарудың тиімді жүйелерін құру саласында елеулі тәжірибесі бар.

Е.А. Бөкетов атындағы Қарағанды мемлекеттік университетін «Халықаралық экономикалық қатынастар» мамандығы бойынша бітірген, Назарбаев Университетінің Іскерлік әкімшілік магистрі (MBA) дәрежесі бар.

Инвестициялар жөніндегі бас директор

Кэрол Жанг Alatau City-дің халықаралық инвестициялық ынтымақтастық, серіктестікті дамыту және стратегиялық инвесторларды тарту мәселелеріне жетекшілік етеді.

Инвестициялық даму, стратегиялық жоспарлау, тұрақты даму, халықаралық коммуникациялар және ірі инфрақұрылымдық жобаларды іске асыру саласында 15 жылдан астам халықаралық тәжірибесі бар.

«Alatau City Authority»-ге келгенге дейін CITIC Construction және Surbana Jurong компанияларында басқарушы лауазымдарды атқарып, онда халықаралық бизнесті дамытуға және әлемнің 40-тан астам елі мен 50-ден астам өңіріндегі мемлекеттік және жеке серіктестермен өзара іс-қимыл жасай отырып, арнайы жобаларға жетекшілік етті.

Тяньцзинь шет тілдер университетін және Сингапур менеджмент университетін бітіріп, халықаралық бизнес, қаржылық құқық және тұрақты даму саласында білім алған.

Цифрлық технологиялар және жасанды интеллект жөніндегі бас атқарушы директор

Баян Қоңырбаев Alatau City-дің цифрлық трансформациясына, жасанды интеллектіні, цифрлық инфрақұрылымды, Smart City технологияларын дамытуға және қаланы басқару жүйесіне инновациялық шешімдерді енгізу мәселелеріне жетекшілік етеді.

Цифрлық технологиялар, жасанды интеллект, телекоммуникациялар және мемлекеттік басқаруды цифрлық трансформациялау саласында елеулі халықаралық тәжірибесі бар.

Бұған дейін Tencent AI Lab компаниясында, «Қазатомөнеркәсіп» ұлттық атом компаниясында, Алматы қаласының әкімдігінде, «Ұлттық ақпараттық технологиялар» акционерлік қоғамында және Freedom Cloud компаниясында басқарушы лауазымдарды атқарған. Цифрлық платформалар, Smart City және жасанды интеллект саласының сарапшысы болып табылады, сондай-ақ цифрлық технологиялар саласындағы директорлар кеңестерінің және халықаралық сарапшылық ұйымдардың құрамына кіреді.

Алматы энергетика және байланыс университетін, Цинхуа университетін, Швейцария бизнес мектебін және Массачусетс технологиялық институтын (MIT) бітіріп, инженерия, цифрлық бизнес, маркетинг және технологияларды басқару саласында білім алған. Мемлекеттік «Ерен еңбегі үшін» медалімен марапатталған.

Даму жөніндегі бас директордың міндетін атқарушы

Нұрлан Нұрғабылов Alatau City-дің кешенді дамуына қатысты мәселелерге, оның ішінде қалалық және инженерлік инфрақұрылым саласындағы жобаларды іске асыруға, аумақтарды дамытуға және қаланы дамытуға қатысатын негізгі тараптармен өзара іс-қимылға жетекшілік етеді.

Мемлекеттік және жеке секторларда, соның ішінде жер қатынастары, құқық және мемлекеттің мүліктік мүдделерін қорғау салаларында жұмыс тәжірибесі бар. Қазақстан Республикасының Әділет министрлігі мен Қазақстан Республикасының Ұлттық Банкінде қызмет атқарған. First Heartland Jusan Bank, АТФБанк және БТА Банкте басшылық лауазымдарда жұмыс істеп, құқықтық мәселелер мен активтерді қайтару жобаларына жетекшілік еткен. Сондай-ақ Macleod Dixon LLP, Ernst & Young және Curtis, Mallet-Prevost, Colt & Mosle LLP халықаралық заң және консалтингтік компанияларында жұмыс істеген.

2023–2024 жылдары Алматы қаласы Жер қатынастары басқармасын басқарды. 2024 жылы Алматы қаласы Қоғамдық кеңістіктерді дамыту басқармасы басшысының міндетін атқарушы болып тағайындалды.

Әл-Фараби атындағы Қазақ ұлттық университетін «Халықаралық құқық» мамандығы бойынша бітірген. «Болашақ» бағдарламасы аясында University of Dundee (Ұлыбритания) университетінде құқық магистрі дәрежесін алған.

Біздің команда

Басшылық және Кеңес

Әлішер Әбдіқадыров

Нина Янг

Арман Тастанбеков

Зоя Қасенова

Айбек Ботабеков

Кэрол Жанг

Баян Қоңырбаев

Нұрлан Нұрғабылов

Олжас Бектенов

Қанат Бозымбаев

Вонг Хэн Файн

Мәди Тәкиев

Тимур Сүлейменов

Дархан Сатыбалды

Шыңғыс Әрінов

Ренат Бектұров

Ким Вячеслав Константинович

Цхай Юрий Андреевич

Болат Бидахметұлы Жәмішев

Доббс Гарри Уильям